Hardangerbrua

Gjennomslag i tilførselstunnelen på Bu-sida

Einar Lutro — Thu, 18 Feb 2010 16:15:44 +0000

Onsdag den 17.februar fekk ordføraren i Ullensvang gleda av å fyra av den siste salva for gjennomslag i tunnelen som fører ut på brua frå Bu.
Dermed er endå ein milepel nådd i arbeidet med å realisera bruprosjektet. Til å oververa denne hendinga hadde entreprenøren AF Gruppen invitert folket på Bu. Som saman med representantar frå prosjektleiinga og brustyret var vitne til at ordførar Solfrid Borge trykte på knappen, og dermed var det gjennomslaget ut på brua eit faktum. Både ordføraren og prosjektleiar Øyvind Søvik takka AF Gruppen for godt utført arbeid og uttrykte gleda over at arbeidet har komen så langt.

Tunnelgjennomslag i Vallavik

Einar Lutro — Thu, 12 Nov 2009 11:02:04 +0000

Torsdag den 12. november fyrte ordførar i Ulvik Mona Hellesnes av siste salven i tilførselstunnelen frå Vallaviktunnelen og ut til brua.
For å vera med på markeringa hadde entreprenøren AF Gruppen invitert ein delegasjon av sine tilsette, underentreprenørar, Statens vegvesen/prosjektleiinga, politikarar og media. Først ut var Bente Johnsen Aase økonomiansvarleg for bruprosjektet, som gjorde greie for tunnelarbeidet. Og den som fekk æra av å fyra av salven på 1500 kg dynamitt som opna for gjennomslag frå Vallaviktunnelen ut på brua var ordførar Mona Hellesnes. Etter først i sin tale rosa alle innvolverte for godt utført arbeid, trykte ho på knappen som utløyste salven som fekk det til å drønna og rista skikkeleg i fjellet. Når “laden” hadde lagt seg kunne delegasjonen gå inn til rundkøyringa der tunnelarmen ut til brua tek til, og kunne ved sjølvsyn konstantera ei vellukka sprenging. Der vart det som det seg hør og bør “konjakk på røysa” ved anleggsleiar og skytebasar. Prosjektleiaren Øivind Søvik heldt tale og takka entreprenørane for vel utført arbeid, og konstanterte at nok ein milepel var nådd i arbeidet med brua.

Stabil trafikk på ferjesambandet Brimnes - Bruravik

Einar Lutro — Sat, 20 Jun 2009 14:44:55 +0000

Statestikken for antal køyretøy over fjorden med ferja Brimnes - Bruravik viser ein auke på 1,75 % som er noko over 6000 bilar for 2008.
Det same gjeld trafikk over Hardangervidda. Viser til diagram på sida for ferjetrafikk.

Hardangerbrua går for elektronisk innkreving

Einar Lutro — Sat, 20 Jun 2009 14:36:15 +0000

Saman med prosjektleiing og vegdirektoratet har brustyret beslutta å gå for berre elektronisk innkreving på brua.
Beslutninga om å gå for elektronisk innkreving er gjordt på grunnlag av ei utrekning frå Statens vegvesen som viser at sjølv med risiko for at vi vil få nokre såkalte “snikingar”, vil det vera lønsamt med automatisk innkreving kontra manuell. I tillegg til å spara pengar på framtidig drift, vil vi også spara betydelege anleggsmidlar ved å berre bygga to felt på Bu-sida istadefor fire.
Utviklinga på dette området går raskt, og det er grunn til å tru at i 2013 når brua skal opnast og innkrevinga tek til, vil lagt fleire billistar både norske og utenlandske vera utstyrt for automatisk innkreving.

Generalforsamling i Vallavik

Einar Lutro — Fri, 19 Jun 2009 10:00:28 +0000

Den 19.juni vart generalforsamling for brua avhelden på prosjektkontoret i Vallavik.
Til handsaming låg vanlege årsmøtesaker, som vart handsama uten merknader til årsmelding og rekneskap.
Viser til sida for organisasjonen.

Anleggsarbeidet endeleg i gang

Einar Lutro — Thu, 26 Feb 2009 17:02:58 +0000

Den 26. februar var det markering av oppstart av anleggsarbeidet for brua ved at ein dynamittsalve vart avfyrt i tunnelpåhogget i Vallavik. Dermed er startskotet for bygging av norges desidert største hengebru avfyrt.
Frå verandaen på prosjektkontoret i Vallavik kunne ei samling av naboar, eigarar, enreprenørar og prosjektleiing samla for å overværa sprengjing av den første salven på det som i første omgang skal vera anleggsveg, seinare sykkel og gangsti ut på brua. Stemninga mellom dei frammøtte var god og samstemming, Endeleg ! Og som Bente Aase i vegvesenet sa det: Vi i prosjektet har venta lenge, men for alle eldsjelene som har jobba for prosjektet lokalt, har nok ventetida vore enno lengre.

Dei fire ordførarane frå eigarkommunane var også samstemte i si uttale: Dette har vi venta forventlingsfullt på. Det vil gi ny giv til denne delen av fylket, ikkje berre i anleggsperioden, men fram for alt etter at brua er ferdig. Den vil gi eit nytt samferdselsmønster i regionen.

Eivind Opedal i AF Gruppen som har kontrakten for tilførselstunnelane gav også uttrykk for at dette var ein stor dag for dei. Det var høgtidsdag då vi skreiv under kontraktane. Men dette er ein større dag, for det er no vi er i gang og kan visa kva vi er gode for.

Prosjektleiar Øivind Søvik la i sin tale vekt på at det er viktig å ta omsyn til miljøet i anleggsperioden. Hardangerbrua ligg i hjarta av eit av våre viktigaste turistområde der naturen og miljøet er eineståande. Han kunne også opplysa om at tryggleiken til anleggsarbeidarane vert sett høgt på dagsorden.

Kontraktene med entreprenørane underskrivne

Einar Lutro — Tue, 27 Jan 2009 14:54:52 +0000

I dag 27. januar vart kontaktene for tilførselsvegane, betong- og stål/montasjearbeidet for brua underskrivne under ei markering på prosjekt-kontoret i Vallavik. Dermed er det klart for anleggstart.
Etter anbodsopning i Leikanger 5.november i fjor har vegvesenet kontrollrekna og innstilt entreprenørar til å bygga Hardangerbrua. Og den 15. januar har Vegdirektoratet avklara kven som får kontrakt. Disse kontraktane vart underskrivne av regionvegsjef og entreprenørane under ei høgtideleg markering på prosjektkontoret i Vallavik med pressa tilstades.
Det er AF Skandinavia As som får tilførselsvegane både på Bu- og Vallaviksida. Betongarbeidet vert tildelt Veidekke entreprenører As og MT Højgaard (Danmark) får stål- og montasjearbeidet. Dermed er ein ny og viktig milepel nådd i arbeidet med å få ein ferjefri forbindelse over fjorden. Anleggsarbeidet startar opp den 15.februar med sprenging av tunellane på begge sidene av fjorden.

I følge kontraktane skal brua stå ferdig den 29.april 2013.

Anbodsopning: Bygging av brua med tilførselstunnelar.

Einar Lutro — Fri, 07 Nov 2008 08:34:55 +0000

Den 5.november var det opning av anbod for bygging av bru og tilførselstunnelar på regionvegkontoret i Leikanger. Konklusjonen etter at alle 27 anboda var opna, var at summen av dei lågaste anboda på dei forskjellige arbeida som var utlyst var ca. 1.4 mrd. Saman med andre kostnader som byggherrekostnader, innkrevingsutstyr, mva. etc. ser det ut til at totalprisen vert ca. 2,0 mrd. Dette ligg godt innafor dei råmene som ligg til grunn og at vi dermed ikkje treng ein ekstrarunde i Stortinget.
For detaljer, sjå pressemelding på Statens vegvesen si heimeside.

Så blir brua endeleg lyst ut på anbod

Einar Lutro — Thu, 03 Jul 2008 08:04:44 +0000

Etter ekstra rundar i Statens vegvesen, Storting, Regjering og ekstern kvalitetsikring blir endeleg brua lyst ut på tilbod.

Som kjent vart anbodskonkuransen for tilførselsvegane/tunellane stoppa av statsråden i fjor haust på grunn av at tilboda som kom inn låg over budsjettet. Statsråden meinte at ved å leggja brua og ein del andre store prosjekt “på vent” ville ein “kjøla” ned marknaden. Dette vart tilrådt og vedteke i Stortinget den 20.12.07. Jfr.St.prp.nr. 24.
Vegvesenet vart pålagt å oppdatera anslaget på brua som så skulle kontrollerast ved ei avgrensa kvalitetsikring av heile prosjektet. Det hadde vegvesenet klart til nyttår. Det har vidare av ymse ukjente årsaker trekt ut med kvalitetsikringa, men den 18.juni oversendte Metier As sin rapport. Rapporten konkluderer med at Statens vegvesen sine kalkylar er på den sikre sida. Dei har også undersøkt marknaden for slike anlegg og viser til at 16 entreprenørar over heile verda har vist si interesse for prosjektet. Kva prisar vi får inn, må vi venta med i spenning til anbodsopning i november.

Orienteringsmøte i Eidfjord

Einar Lutro — Thu, 03 Apr 2008 22:03:56 +0000

Måndag den 7.april kl. 18.00 kallar Statens vegvesen inn til orienteringsmøte på Hotel Vøringsfoss i Eidfjord. Det vert orientert om både brua og tilførselsvegane.
Det vert også høve til å stilla spørsmål.